@bensliman
fakhir
modir lbarmaja
modir lajnat tahkim
بينما دخلت انا بهذا الاسم
faaris80
@bensliman : خود المايك فاخير
fakhir..:وي وي بن سليمان العز خويا بغيت غير نقوليكم راه الشاريع معمر عليا ومخرجين عليا النوكات والله ما كانو يديرو هادشي مع الزاكي ولاكين انا عارف علاش حيث كترو المشاكيل في كازا والجمهور تمايا مغلغل بجهد ...ها الرجاء والمشاكيل ها الوداد بدات تتصدر اللعابا تاهيا ها روماو مشا و وليت انا تانبان ليهم في البلان ويبردو فيا الغدايد فاخير دار فاخير فعل والله هادشي عيب
وفي لحظة وبدون علم أحد يخطف الادمين المايك اي اللاقط ويثحدت
@bensliman :ما زال زايدين فيه بيضاوة والله اسيدي لاتحل موحاماد سانك حتى دوز فرقتي للصف الأول
modir lbarmaja :الصف الأول فيه خريبكة اسسي بن سليمان؟؟
@bensliman:سددو لباباهوم التيران قبل ما تسالي البطولة و خليوها تلعب في سطات واح الشهر
و شوف نتا يا مدير البرمجة ديما قول للرجاء بللي ثم اصدار قرار عدم لعب مقابلة الرجاء والجيش لوقت لاحق بسبب الامن واش كاتسمعني؟؟ تابي 1 باش تاخود المايك
1111111:modir lbarmaja
@bensliman :اوكي خود المايك
modir lbarmaja : يتوب خويا بن سليمان وما تخاممش راه ماغادي تلعب الجيش مع الرجاء حتى يكونو كاع اللعابا واجدين وما يكونوش عندهم البطاقات..راه كولت ليك اسسي بن سليمان ماتخاممش راه كولشي مخدوم مليح منذ البداية واش حنا عسكر ولا زمر وزايدون الجيش اسيدي ماغادا تلعب مع الجراد تا يتلعب الديربي ويعيا بنادم.. مايك فري
@bensliman :اوكي اوكي والاكين بغيت نقول ليكم هاد الشاريع مابغا يفوتنا والو ...ربحنا العواززا بستة لزيرو كاليك مقاضين الرخاء تعادلنا كاليك ماتعادلوش
هاد المرة نرد ليهم الزاكي ونخليهم ياكلوه ولا ياكولهم
في هذه اللحظة يخطف فاخير اللاقط دون اذن الادمين ويقول
fakhir :ترد ليهم الزاكي صافي زلكات ليك؟؟هاذا هو الخير؟
@bensliman :أولا ما لك كاتجامبا وتاخد المايك بلا أذن صافي دسرناك ؟؟ انا قولت ليك الا كثر اللغووو في الزنقة ندير ليهم داك القالب ونتا بلاصتك مع الناس ديما كاينا مالك؟؟؟ اجي واش مدير الحكام حاضر ولا حاط غير النيكنايم ومشا يتنزه؟؟؟ تابي واحد السيي.. وا خلق ربي؟؟ معانا ولا لا؟؟؟.تابي 1ايلا كونتي كاتسمع
111111111:modir lajnat tahkim
@ benslima:شوف واش الحاكام الرويسي هو اللي حكم الوداد ضد الجديدة؟؟نبغيه يكون خاوي نهار الماتش تاع الرجاء والجيش باش نرسلوه ليهم تاني اوكي؟؟
modir lajnat tahkim : اوكي نعام سيدي وكلمتك ما بعدها كلام
@bensliman : يا الله اللي بغا المايك ياخدو المايك فري
fakhir :بغيت عا نسولك على من نعيط في المقابلة الماجية؟؟ و كول ليا واش تاوع قطر ...
@bensliman :ما تبقاش تعيط ليهم تا بالضحك ..هادوك راه ولاو سواعدا و ولا عندهم المال اللي ماعندكش يا لهبيل ..عيط ليا على المكردين تاوعنا عطيهوم جوج ريالات يتقاتلو لك على التوني وكون فرقا خود منها وحاييد ..جوج ..وهني الوقت وشكون اللي كان في العسسا؟؟
fakhir.. اللي كان في العسسا هو الجرموني وهو سبابي الله يلكيها ليه خرج عليا
@bensliman شوف اسسي .. نتا خرجتي على راسك ماخرج عليك حد .......اللحية ديما عايط ليه ودير ليه خاطرو واخا يغلط اللهم نديرو ليه خاطرو ولا يمشي يطردك لينا في شي بوات ولا اوتيل
وفيق شويا ياراس الطارو وعود دخول للمنتديات وشوف اش تايكولو شكون الي لعب من اشكون اللي ماتايقرقبهاش
وقرا جورنالات نتا عطيتيها للكاشا والركاد وبغيتيهم ما يخرجوش عليك النكات ؟؟ وما تكعاش راه بليندة كانو يكولو لفرقتو شيخات الأطلس وماكانش تايعقل ليا على بنادم
وشوف انا ؟؟ وا من خريبكة حتى لتطوان وطنجة.. ماكاينش الماتش اللي مايسبوش ليا العروق تاوع جدودي وما كانتساوقش راه المعيور ماتايلصاقش
كون ولد البلاد ياراس الطارو وعيق ولبس الكوستيمات باش تبان مسكوال وقاري ومرة مرة لوح ليهم كليمات بالفرونسي كون عايق راه الا ما درتوش اللي تانقوليكم تجيبوها في ريوسكم وانا بلاصتي هي هاذي تال موت ما كاين اللي زعزعني وراكوم عشراني بلا هادشي وبلاكورة ..غير تصادق الحكومة على الميزانية الجديدة غادي نهاوركم مزيان وكولكوم غادي تزاوهرو
fakhir... العز مون جينيرال والماتش الماجي نعجبك ما كاين عا الفيرساتشي والقميع للصحافة واللاعبين وندير راسي شخصية واللي ماعندو سيدو عندو لاللاه والباركة في سيدي بن سليمان.. والا ما درت والو مع المنتخب نرجع للجيش ونتكمش
اجي شكون هاداك اللي معانا في الرووم؟؟ شكون هاد 3odw koora maghribya بونسيه ... طردو ...كون را سمع كلامنا.................................
وهكذا ايها الأعضاء ثم طردي من الغرفة الخاصة قبل ان اسمع كل شيء وأكتشفت حال كرتنا بالمغرب وفهمت انها تقتصر على اناس لا علاقة لهم بالرياضة وهمهم الوحيد هو ارضاء أنفسهم على حساب الشعب المقهور اصل
